Damaskstakk

Med same snitt i liv og stakk som Råndastakken, går damaskstakken og Råndastakken litt om kvarandre med miks av ulike ty. Det er derimot tyet i stakken, ulldamask/silkedamask, som gjev navnet til denne drakta.

Damaskstakken, eller damaskkjol, på bakgrunn av tya som blei brukt, var noko eldre enn Råndastakken. Dei brukte om liv og ty frå 1700-talsdraktene og tok dei med seg inn i 1800-talet.

Liva var i kalemank, fløyel, blomsterbroderi på fløyel og ull/vadmel, silkebrokade, ulldamask etc.

Lauslomma var derimot berre brukt til ein damaskstakk, og ikkje til Råndastakken.

Lauslomma var ofte brodert, med sølv/gull/metallkniplingar og treng ikkje væra i same ty som livtyet.

Forkle til damaskstakken var ikkje så vanleg, men var det brukt var det i myrkare ty, med blondebord, kniplinger, hekla kanter, tyllbord osv.

Botthuve kan fint brukast til drakta.

Cape eller svarttrøye var brukt som utapåklede.